胡定欣請食檸檬拒合照 陳展鵬仍讚女方完美 

撰文:林通賢
出版:更新:
陳展鵬和胡定欣雙方均讚大家完美,不過要求他們合照,定欣即急急腳走開。(林通賢攝)

陳展鵬、胡定欣因拍劇集《城寨英雄》被指撻着,定欣更被拍得坐陳展鵬坐駕,去西貢吃糖水,新聞曝光後,二人首次同場出席活動,不過就突然變得生疏,前後腳現身,又分開接受訪問,其間二人被要求合照,定欣更被助手拉走。不過陳展鵬依然讚對方是好女仔,他說:「好似平時啲人車同事返工、放工咁啫,(接載定欣多了?會不會發展成為情侶?)咁又唔會,不過係了解多咗,因為上次《城寨》由拍攝到宣傳啦,到依家一齊開《同盟》,唔止佢,成個團隊都了解多咗?(定欣係咪你鍾意哪類型?)佢簡直係完美,我發覺自己有問題啫,咁多年都冇同過公司女仔拍過拖呢?(現在就是機會吧?)都係㗎,不過有時啲嘢好難講,都係集中精神拍劇先。」

陳展鵬表示先集中精神拍劇,未有排除將來跟定欣發展的可能性。(黃國立攝)
定欣大讚展鵬是好男仔,不過拍拖就耍手擰頭。(黃國立攝)

展鵬讚定欣完美,女方都好識做,反讚展鵬是好男仔,她說:「同展鵬都係好同事、好拍檔囉,可能大家好投入我哋嘅劇情入面,好喜愛拳佬同刁蘭吧,但係開心嘅,之前被影到我坐佢架車,主要係因為停了牌,嗰日又咁啱拍劇啫,我都要出年年頭先可以揸車,(那這段時間就要展鵬當司機?)唔係,我仲有的士司機、朋友,好多人車我嘅(剛剛展鵬說妳很完美)係咩?多謝喎,咁佢都好完美,佢都係一個好好條件嘅男仔,(那她都有機會吧?)唔知㗎,依家都係拍好新劇先啦。(剛才合照有點避忌?)冇呀,我都係等同事安排。」

佘詩曼表示拍完國內的烹調節目後,很多朋友質疑她的廚藝,要求她即席表演。(黃國立攝)
陳柏宇兩場九展演唱會,門票極速售罄,他表示積極考慮再加場,但去紅館就慢慢來。(黃國立攝)