文雪兒大女張筠宣布入行　同時兼顧工程師模特兒工作

70年代當家花旦文雪兒近年戲癮復發，先後參演多部TVB劇集。而她亦經常在IG分享兩位女兒的照片，囡囡盡得媽媽優良基因，長得標誌可人，27歲大女張筠（Christy）亦正式宣布入行，簽約Mandy Lieu的模特兒公司。據指該公司認為Christy跟韓劇《夫妻的世界》「最靚小三」韓素希的氣質相似，想為她打造健康性感形象。

Christy除了擁有甜美臉孔外，原來讀書都好叻，她在英國UCL（倫敦大學學院）土木工程系碩士課程畢業，現職土木工程師。成為模特兒後，Christy不會放棄工程師的正職，而是會用工餘時間做模特兒工作，而她稱暫時不會考慮拍劇，因為時間上未必許可。家人亦非常支持她入行，媽媽文雪兒說只要女兒開心便可。而妹妹Jennifer亦已完成大學傳理系課程，幫手打理媽媽的美甲店生意，兩位囡囡都咁孝順，相信最開心一定是文雪兒。

點撃睇Christy靚相：