雷有輝暑假開騷 被隊友禁唱太極金曲:年尾舉行太極35周年演唱會

撰文:洪曉璇
出版:更新:
太極主音雷有輝將於8月15-16日西九文化區戲曲中心大劇院舉行兩場音樂會。

太極主音雷有輝將於8月15-16日西九文化區戲曲中心大劇院舉行兩場音樂會,鑑於政府頒佈的限聚令,於6月18日(星期四)「太極」Facebook專頁(太極樂隊 Tai Chi Band)直播記者會,宣布演唱會細節,跟樂迷與眾同樂。Patrick找來眾兄弟拍片撐場,Gary Tong、蛇仔、Hi-Fi德、Ricky夾埋做戲「扮不和」,期間眾人演技甚好,Ricky話「唔想再提雷有輝」,而Gary揚言禁止雷有輝在個人騷唱太極歌曲:「因為呢次係個人騷,最好分翻開少少,唔好唱太極啲歌,何況佢都大把選擇。」

Patrick就話單飛開騷先知道隊友的重要,期待12月太極再重組:「頭先段片就講笑嘅啫,今次反而係佢推我出嚟,叫我炒熱Fans團火先,之後年尾我地再舉行太極35周年演唱會。」

直播期間,Patrick搵來圈中好友拍片撐場,包括:張衛健、梁漢文、蘇永康、林子祥、林德信和鄭中基。梁漢文和蘇永康指Patrick「太遲」單飛開騷,明言要與他組成「新Big4」;而張衛健就點唱雷有輝「光頭」加勁舞唱《足球小將》;鄭中基就講笑話自己歌比太極好,提議歌單唱自己作品;林子祥就要求他原Key唱《敢愛敢恨》,提醒對方別「走音」;而林德信大膽話單飛開騷「麻麻地」,自薦做演唱會嘉賓。

現疫情稍緩和,Patrick就話做足準備功夫,令樂迷安全入場聽歌:「主辦方準備咗口罩比每一個入場樂迷,同埋會為每一位探熱,確保大家健康入場聽歌。」

Patrick就話單飛開騷先知道隊友的重要,期待12月太極再重組:「頭先段片就講笑嘅啫,今次反而係佢推我出嚟,叫我炒熱Fans團火先,之後年尾我地再舉行太極35周年演唱會。」

+8