【逆襲人生】鄧佩儀捱七年終成女一：感覺似中咗六合彩
撰文：林通賢
出版：更新：
鄧佩儀2012選華姐入行，之後開始她的拍劇生涯,2014年《點金勝手》為第一次拍劇，經過6年時間，她終於成為第一女主角，《逆襲人生》為她第一部擔正的作品，鄧佩儀表示當日拿到劇集天書都不知道自己是第一女主角，她說：「我一直以來就係諗住好努力做哂所有嘢，因為呢一行有個有名字嘅角色已好難得，所以公司呢七年俾咁多機會，我已經感激到不得了，我真係冇奢望個會做女主角，而家都仲有中六合彩嘅感覺。」
由選美開始鄧佩儀捱咗8年,終於成為第一女主角，今日佢講起都好開心。(陳順禎攝)
「入到去監製房，佢俾本劇集天書我，我打開人物關係圖睇，我就圍住關係圖最邊睇，點解冇我講名嘅?跟住望到中間我個名啦，我就係譚俊彥隔離，我先發現自己係女主角，我又唔敢出聲，我返到屋企即刻同屋企人講，因為媽咪一路以嚟都好支持我，聽到呢個消息之後開心過我。」