李佳芯首本個人散文集 網上預購反應熱烈：三千本已經預售晒

李佳芯（Ali)今日（6/7）出席在電視城舉行的無綫劇集《殺手》宣傳造勢活動。講起由她編寫的新書散文集《心之所往》在網上預購大賣，Ali表示：「其實我冇諗過會出書，以前我會覺得透過文字，會得到一啲力量同睇法，後尾我會諗，我會唔會有一日可以透過文字同人交流同溝通呢？一路都有個種子喺心度，自己冇諗過幾時會實行，純粹係上年開完劇集《愛美麗狂想曲》之後，見到自己有三個月時間空閒，就去寫呢本書。網上預購反應好好，三千本已經預售晒，出版社會再加印，我開心身邊嘅人，佢哋偷偷地預購咗，然後話我知買咗，要我幫佢簽名，我真係估唔到，原來身邊有好多朋友支持。」