【溫拿開騷】譚詠麟聞關淑怡墮海：佢自己知自己事啦！
撰文：鄺鈺瑩
出版：更新：
加埋近千歲的太極與溫拿齊為演唱會拍攝海報，場面熱鬧。（梁碧玲攝）
訪問時，譚校長指彭健新因食得太多蟹，受激素影響所以胸部下垂。（梁碧玲攝）
殿堂級組合溫拿同太極，將聯手於明年一月七日於亞博開騷。今午，一行11人齊齊為演唱會拍攝海報，場面熱鬧。訪問時，譚校長透露下月將會有記者會，所以今日不能透露太多詳情。在旁的鍾鎮濤就表示：「今次是HMV同red mr合作，好難得，到時我們會互唱對方的歌，一定會好好玩。」再問他們可會為個唱操練，譚校長馬上笑說：「好粗啦喎。」
另外，提到關淑怡落海一事，譚校長表示：「健仔頭先笑晒口話我知佢行落海，唉，佢自己知自己事啦。」不知情的陳友聽罷即表示：「咁猛？」校長續說：「可能佢係環保分子，別人同海豚游，佢就想同泥鯭、垃圾一齊游囉。」問到校長會否致電慰問，他說也不知發生什麼事，暫時給對方一點空間，並謂不知道她有男友。五人之後你一言我一語，又指關淑怡其實是想游到機場亞博方向，為他們睇場。
對於關淑怡落海一事，太極同溫拿都指她可能在練習渡海泳。（梁碧玲攝）
而對於關淑怡落海一事，太極的Joey Tang就話：「我今朝睇到，即時send咗段新聞俾葉廣權（關的音樂監製）睇，暫時不知道發生什麼事，不說太多啦。如果她是游夜水的話，近排打完風，個海好多暗湧。」
童心未泯的溫拿在現場玩得起勁。（梁碧玲攝）