【來自喵喵星的妳】重口味誘陳豪　楊秀惠愈玩愈激：仲有高難度雙人瑜伽

最近無綫劇集不單止合乎師奶口味，甚至連男觀眾都like，《幕後玩家》不用說，劉佩玥當然令人目不轉睛，想不到另一套劇集《來自喵喵星的妳》原來更吸引，劇中飾演Natasha的楊秀惠，可謂相當重口味，之前第７集長腿黑絲襪色誘陳豪，又捉陳豪隻手放落自己大腿上，已經令不少網友瘋狂cap圖，至昨晚(25日)第９集，更加是豁出去，竟用舌頭舔陳豪額頭，對於要連場誘惑陳豪，楊秀惠就以WhatsApp回應：「記得當時我們很多通宵戲，所以當時我和阿Mo只想拍攝順利，不要NG，大家早點拍完可以回家休息，因為阿Mo回家幫小孩換片或者餵奶。」

楊秀惠引誘陳豪，大家看得開心，但原來拍攝大家時好認真的，她說：「同陳豪已經合作過好多次，所以已經有一定嘅默契，因為同陳茵媺亦都合作過，私底下我哋成日都會同佢傾關Aimee，小朋友同埋生意方面嘅分享。陳豪係非常專業嘅演員，其實每一次拍攝我哋都務求可以一take過，因為拍喜劇如果拍得太多次，就會冇左原本嘅笑點。所以每一次拍攝前，陳豪，我以及導演，攝影師，燈光師們，都會充分地討論，認真咁排戲， 真正拍攝時就非常順利。」至於昨晚舔陳豪一幕，原來係借位拍攝，更是陳豪教路，她說：「其實我哋好多場戲都係借位的。我都係等套劇出街時先第一次睇，發現導演同攝影師攞嘅角度，真係成功塑造出逼真嘅感覺。」

楊秀惠更表示之後場面更大膽，她說：「已經出咗街嗰啲戲份，只屬於一小部份，仲未真正去到戲肉。跟住落嚟仲會有好多好睇嘅戲份。例如我分別會同陳豪，以及阿田有親密同高難度嘅雙人瑜伽。仲有應該就係今晚我同陳豪的「觸電」戲，我如何在陳豪身上有「觸電」的感覺，這場戲最好笑的地方應該係我的表情，根據導演所講，因為好多時我做嘅表情都係有少少醜化自己嘅，拍攝時台前幕後同事們都估唔到我會願意醜化自己。」

至於楊秀惠的美腿是如何練成的，這應該是女觀眾最關心，她就叫大家留意她的facebook live，她更示減肥沒有速成：「我剛入行時比較baby fat，成個人好圓，多年來有不斷鑽研減肥，前排開咗個facebook live 教大家，反應都不錯，不過減肥恆心最重要。」想像Natasha這麼誘惑，女網友要記得不可以懶。