【C9特工】高海寧劇接劇推播人氣爆升：相信觀眾唔會睇厭
撰文：吳子生
出版：更新：
高海寧今日（17/9）出席無綫全新喜劇《C9特工》宣傳造勢活動。高寧開心表示：「其實呢套戲兩年已經拍完、之前都有排過期推出，好似喺上年台慶嘅時候講過會出，後尾就收起咗，但今次同樣發生喺套劇身上，突然又可以播，咁都真係好開心嘅，因為咁多年嚟拍咗咁多套劇冇出街，今次能夠一次過推出晒，真係喜出望外。」
高海寧劇接劇推播，人氣持續爆升。（陳順禎攝）
由《殺手》、《迷網》到《反黑路人甲》一劇接一劇，人氣持續爆升。高寧笑言：「其實我已經冇晒存貨啦！而家淨返《七公主》，雖然一劇接一劇播出，我好相信觀眾唔會睇厭咗我，如果真係認真睇我，之前播嘅每一套劇，每一個造型人物性格都好唔同，反而我得到好多網民讚賞，話我原來可以做到唔同嘅角色，反而我覺得係一件好事。」
+3