【反璞歸真】Lady Gaga西裝look上日本節目 太正常反而唔認得？
歌手Lady Gaga推出了新碟《JOANNE》，並展開了一連串的宣傳活動，近來就去到日本，還上了當地節目《NEWS ZERO》，大唱新歌《Joanne》。咪住！呢個着住黑色西裝兼化了淡妝的女仔，真係鼎鼎大名嘅Lady Gaga？好多人仲以為呢個咁樸素嘅人係女主播，真係好亂呀！唔信你睇！
Lady Gaga一向都走到fashion最尖端，每次她的打扮都會驚艷全場。但講起代表作，莫過於她在2010年出席美國音樂錄影帶頒獎禮（Video Music Awards）時身穿用真﹒生牛肉堆砌而成的晚裝，還記得當年因為這個「又pure又true」的服裝，引起外界極大的爭議，特別是動物組織；不過Lady Gaga就以「人如果忘記自己的權利，他們就只能任人宰割。」回應一切。至今事隔6年，再睇返當年的「牛肉裝」，真係隔住個螢幕都覺得有陣味，簡直歷歷在目！
不過，或者咁講，人誰無輕狂過？當試夠不同新鮮事，就會想還原基本步。Lady Gaga最新專輯《JOANNE》有別於過往誇張、鮮明突出的風格，單是唱片封面，Lady Gaga化上淡妝，頭戴粉紅色紳士帽，一個側面大頭就搞掂，徹徹底底地改變形象。與其着眼於時裝，不如更專注個人唱功。而事實證明，今次的形象大改造，真的令人耳目一新。
提到Gaga，繼《美國怪談》（American Horror Story）之後，前日又盛傳她將會接拍新劇，與《美國怪談》金牌監製Ryan Murphy再度合作，參與第3季的《American Crime Story》拍攝。由於新一季故事以品牌Versace創辦人Gianni Versace的被殺案為藍本，Gaga傳被睇中演Gianni的妹妹，即現任Versace總監Donatella Versace。其實Gaga與Donatella私交甚篤，早前一同出席時裝活動時便被傳媒指Gaga與年輕時的Donatella十分相似，要Gaga扮演這位時裝界前輩亦相當適合。
Gianni於1997年在美國邁阿密的豪宅門前遭連環殺手Andrew Cunanan槍殺，該宅一度成為凶宅，而他建立的品牌Versace則由家人接手，Donatella由那時起成為設計總監。據知新一季有10集，明年年初開拍，Gaga夠晒時間宣傳新碟。