黃智賢新劇帶領雜牌軍 鋼牙心穎跟佗B智雯鬥好戲
撰文：郭敏玲
出版：更新：
黃智賢、黃智雯、C君及黃心穎於電視城為新劇《雜警奇兵》試造型。其中黃智雯就以大肚婆Look示人，原來她在劇集飾演一位單親媽咪，不過經手人分分鐘去到最後一集都未知，而她粗身大細都可能去到最後一集先可以得到解放咁話。
一眾《雜警奇兵》演員出席造型記者會。（郭敏玲攝）
黃智賢與黃智雯這個組合，大家都以為係兄妹，但今次分別飾演上司及下屬，以往兩人少有正面合作，《雜警奇兵》有埋對手戲，他們表示好開心。黃智雯笑言今次飾演大肚婆，有特意去問朋友孕婦會有甚麼動作或地方要留意，但她笑著補充：「呢啲係戲入面唔會做嘅！因為我今次又要揸電單車，又要跑嚟跑去，好多動作！」不過，黃智雯表示拍完應該會好佩服媽媽的偉大。至於黃智賢就話劇集第一次以雜項事務科做主題好難得。
黃智雯今次要大住個肚做警察，少不了追逐場面。（郭敏玲攝）
早前胡杏兒37歲生日，其好姊妹胡定欣就在社交平台上叫杏兒不要太操勞，生返個靚B。問到同是好姊妹的黃智雯，杏兒是否有望生雞年BB？智雯就話：「杏兒在內地拍劇，依家就未有BB，但佢一直都好ready生BB呢件事，我哋幾個好姊妹都有祝福佢。」
另一亮點就是黃心穎的可愛鋼牙look。（郭敏玲攝）
「黃氏宗親會」聚首一堂，當然要大合照啦。（郭敏玲攝）