【無綫台慶】未證吳若希懷孕　何哲圖：她想組織家庭我都會尊重

星夢老闆何哲圖與一眾旗下藝人許廷鏗、胡鴻鈞等人出席無綫台慶。最近吳若希在Instagram表示：「幸福的事要發生了。」讓人猜測與她懷孕3個月有關。老闆何哲圖表示：「係啲咩開心事，等佢自己講啦。我覺得每一個藝人取向唔同，有啲藝人會想攞多啲成就，目標係唔同，每個人都會隨呢啲想法變得更加成熟。」

講到吳若希告假，何哲圖表示與對方已商量好，「佢之前都唔舒服，加上佢呢幾年都衝事業，所以想休息一段時間，至於之後有甚麼打算，就等佢自己分享有甚麼目標，想唱歌又好，就算想組織家庭，我都會尊重。」至於吳若希有沒有提過要退隱？何哲圖表示對方從來無講過，立場也很明確。

至於吳若希的好朋友許廷鏗，提到好友似乎有喜事發生，他表示：「咁要等佢自己親自講啦，佢講話幸福的事，可以係食個菠蘿包都好開心幸福㗎！有好多可能嘅。」而兩個月減了20磅的他，明顯消瘦了不少，他表示將來還會再減肥，多做運動。