無綫高收視處境喜劇《愛回家之開心速遞》最新一集（5/1）講述熊家尋回過身多年媽媽的錄音帶，一向冷靜的熊樹根（劉丹飾）再次聽到亡妻的聲音忍不住淚如雨下，成家攬住一齊喊，網友看畢均大呼催淚！
觀眾看畢這集後，相信都很有興趣想知根嫂是誰，在roller會發現根嫂由祝文君飾演，不過亦有忠粉留意到在68集根嫂亦曾出現過，當時由一位特約演員飾演，但監製林建祥就表示根嫂一角還有定案，他說：「祝文君只不過係替身，因為佢做過好多角色，但我哋暫時未有一想法去寫三姊妹嘅阿媽，所以暫時揾個替身做住先。」觀眾如果再細心留意劇情，會發現今集根嫂把聲，是由兩個人演繹，監製林建祥續說：「因為今集祝文君係演根嫂，但唔穿佢個樣，佢把聲亦易認，所以就揾其他人演，第一把出現錄音帶嘅聲係譚炳文女兒譚淑瑩，第二把聲係本集導演冼燕芳配音，佢覺得自己配會傳神啲，咁出嚟效果都非常好啦，希望觀眾會鍾意呢集。」

即看今集《愛回家》動人一刻：