拍《街市》畀江美儀鬧？　顧紀筠囝囝陳浚霆：要做吓下把位學嘢！

剛過的星期日晚可能你追緊英超、又可能煲韓劇《南海》或者日劇《逃恥》，應該未必留意到無綫節目《街市遊樂團》，不過一眾媽咪粉絲就有留意，還覺得主持之一的江美儀，說話沒有家教，還經常鬧顧紀筠兒子陳浚霆（Andrew），只是講英文和有錢。

說到Andrew好像被美儀姐欺負一樣，不過當事人就覺得美儀姐是好人，他接受《香港01》訪問時說：「一定係節目效果，其實鬧人嗰個係最辛苦，因為佢哋成日要諗嘢鬧，其實拍咗咁多個星期，大家已經好熟，同埋我始終係做細嘅，係要做吓下把位學嘢，其實美儀姐、麥包、滕麗名好鍚我，美儀姐好照顧我，唔係啲人講到咁差，我覺得有啲觀眾冇聽哂成句囉，美儀姐絕對係覺得人哋辛苦賺錢好值得尊重。至於佢話我成日用英文，咁佢又話得啱喎，我真係唔識廣東話點講。」

讀書有書僮　行街市有「街僮」

陳浚霆還大讚美儀姐、麥包、滕麗名給機會，令他多些曝光：「初頭我只係節目介紹啲平價食物，但三位前輩覺得有個後生仔節目豐富啲，美儀姐仲話讀書有書僮，咁行街市都應該有個「街僮」啦，佢想我有個image，佢係幫我嘅人，唔知點解依家個個插佢？我哋而家停一陣再拍，我仲同美儀姐講，妳冇鬧我，我唔慣，佢話你都痴綫，其實佢哋三個都曲綫塞錢入我袋。我冇俾人鬧，冇Bad feeling，講真，如果成件事好平淡，大家恭恭敬敬咁介紹就唔好睇啦。」

「做魚劏每日賺得260蚊」完整版重現

美儀姐除了被網民說她鬧陳浚霆外，亦鬧她說話沒有家教，不過美儀姐就話：「希望觀眾由第一集開始睇，就知道我哋風格係咁，Andrew要請我食飯，我犠牲咗佢紅咗，美儀姐趁機叫網民由第一集睇起。」

當中網民鬧她講「做魚劏每日賺得260蚊」說得很刻薄，但其實全句意思不是這樣，她當時是說：「……但係問題你會唔會坐喺度一日，批呢啲魚出嚟，就係賺嗰260蚊一斤咁嘅事囉，即係你會唔會願意咁做，我佩服就係佢哋願意去咁做，佢哋好enjoy喎佢哋，兩公婆對住係到切，咁我諗交都哎少啲啦，下話。」

另一句話剝蝦曬蝦乾是自甘墮落，其實原句是這樣，「……我哋呢啲吃喝玩樂，麻雀耍樂，點會做呢啲，而家就𣍝甘墜落，對我嚟講係辛苦，隻手指真係痛架。隻手係咁震，隻手會攰。」可能網民聽自甘墜落就覺得江美儀說話刻簿，其實她想突出這份工作的辛勞。