【幕後玩家】顧成雙結局悲慘　黃翠如有領悟：歪理喺現實變咗真理

話題劇《幕後玩家》今晚大結局，難得觀眾咁鍾意當然要慶祝下，一眾演員蕭正楠、黃翠如、龔嘉欣、劉佩玥、阿雪、陸永等就約埋一齊一邊吃火鍋一邊睇結局。本來開開心心，但翠如BB突然諗起一位認識的小朋友最近去世了即眼濕濕，另外講到李潤庭出軌離婚收場時表示十分難過。而盛傳就快約滿的黃宗澤則無出現。

對於劇中顧成雙沒有好收場，黃翠如稱有點領悟：「佢所追求嘅嘢都冇咗！裡面有好多歪理，唔知點解喺現實社會變咗真理，而裡面講咗樣嘢係選擇。」問她有否引伸至自己生活，她就嘆了口氣說：「最近我喺內地做嘢，身邊有個我好錫嘅人，佢離開咗。咁last momment係......都係唔好講咁多，我喊呀唔得唔得喇！」翠如邊耍手叫停兼眼濕濕，再追問她那人是誰，她定了定神後答：「一個好錫嘅小朋友，我哋係朋友。本來我可以選擇返嚟香港，但last momment我嚟唔到，我就覺得好遺憾！」講講下又想喊，於是轉話題提到她認識了十幾年的李潤庭事件，翠如BB就話：「我識得佢兩公婆，我覺得好傷心！我諗只有當事人至可以處理番，呢個時候作為朋友唔想講咁多嘢！」她說一向以來都有同李潤庭聯絡，不過現階段不會打擾他。問她怕唔怕蕭正楠偷食，她就好安心：「佢係一個好乖嘅人嚟！（你覺得佢唔會呃你？）呢個momment係囉！」她又說這行很多人注視，一言一行都要小心。

另外孫慧雪最近被傳大肚，今天身型看來也有點圓潤，蕭正楠、黃翠如都不斷恭喜她，但她否認有咗，還笑自己當日揀錯衫令人誤會：「男友同我屋企人都好擔心會唔會以後冇私隱，佢唔係圈內人更加擔心！」阿雪重申當日只是去做婚前檢查，而檢查報告指兩人身體狀況良好，她說：「不過我哋好順其自然，佢成日都叫我做咗自己啲嘢先啦！」阿雪今個月23日便出嫁，她說最快都下年至生咁話，咁到時再恭喜佢啦!