羅浩銘今晚（28/2）現身尖沙咀出席好友「賈名媛」邱芷微婚宴。羅浩銘接受《香港01》訪問時表示：「其實我認識新郎哥陳志忠都十幾年，記得大家認識嘅時候係《功夫新星》，之後大家都有返內地拍嘢，最搞笑係佢太太係套劇入面做過我阿媽，只不過係張相嚟啫，所以我哋係好有緣份嘅，今日見證佢哋結婚我係好開心。」

提到今早接新娘，作為兄弟之一的羅浩銘就笑言：「因為自己條褲好緊，變咗好多嘢都唔玩得，因為驚爆褲，變咗好多嘢都落晒喺圈外嘅兄弟身上，一有新挑戰，我就即刻閃埋一邊，借勢話叫你呀！話晒都喺TVB撈咗咁耐，點都識得走位嘅，咁所以好多遊戲都靠其他圈中兄弟頂晒，都真係要多謝晒佢哋。」