鄧美欣（Venus)今日（21/4）現身將軍澳電視城出席無綫新劇《虛擬情人》之「誰是完美情人？」宣傳造勢活動。講到完美情人，Venus接受《香港01》訪問時表示：「其實我就唔係著重外表，反而我覺得內在美先係最緊要。一定要孝順，同埋有溝通，有鼓勵同支持。因為以前同男友出現嘅問題都係溝通方面出現咗問題而導致分手，咁所以對我嚟講溝通係我首要嘅嘢。」

此外，Venus亦準備為無綫另一重頭劇《新聞女王2》開工，Venus為了劇中角色不斷增磅，工作態度相當認真：「其實我喺兩個月前，我已經展開增肥嘅行動，因為之前拍《新聞女王》嘅時候，幕後圈隊都話我過瘦，覺得我塊面能夠飽滿啲可以更吸引。就係因為咁，我喺呢段時間，我每日迫自己食4碗飯，變咗我而家上身同塊面係肥咗，咁所以我係成功增磅肥咗7kg。」