自從成為視帝賢內助，與陳展鵬結婚並誕下囡囡小豬比後，單文柔（Phoebe）淡出蓆前專心相夫教女，只有間中接廣告拍攝工作。港姐出身的Phoebe近日貼出自拍照，驚覺變樣紅腫異常，令人擔心。

單文柔上載自拍照，清晰見到素顏下面部紅腫難分，原來她與小豬比兩母女先後病倒相當黑仔：「呢個四月好事多磨，發生咗好多事，但好感恩接到一些喜歡的工作，有一個很疼爱我的經理人，永遠在我手忙腳亂嘅時候幫我。姐姐放大假返咗菲律賓，原本計劃了出外度假，忽然豬比發高燒，燒了好幾天，好擔心！」

小朋友病倒父母最為辛勞，通常小朋友好傳就輪到大人倒下，陳展鵬一家都不例外：「行程打亂了，到豬比病完，我病了！然後忽然間有一日，雙眼好腫痛，打唔開，一直出眼膠好肉酸，原來感染了病毒。加上精力充沛嘅豬比已經好返， 我真係冇精力好彩有神隊友接得，依家終於可以睇到嘢 yeah！」