無綫小花吳文懿（Kate)今日（28/4）現身觀塘出席無綫熱播劇集《虛擬情人》宣傳造勢活動。Kate在劇中飾演「心心公主」，因為肥胖的外形感到自卑之外，亦經常受到欺凌，於是在網絡世界遇見虛擬情人Adam(朱敏瀚飾）並展開一段奇情故事。

Kate接受《香港01》訪問時表示：「其實角色同我現實係有啲似，喺我冇入行之前，最高峰我嘅體重係超過2百一十幾磅，因為自己係好鍾意食嘢，係忍唔到口，但我就唔會因為自己肥而自卑。當我入咗行之後，發覺都肥咗一段時間，自己都開始想靚啲，就努力去做運動減肥，我係用咗兩年嘅時間減咗90磅，而家距離目標仲有20幾磅，變咗我而家仲要急起直追，我係冇放慢腳步。（網民話你似苟芸慧！）好多謝佢哋咁講，因為苟芸慧我都好鍾意佢，佢真係好靚，我都好想好似佢咁Fit。做呢一行，如果企喺佢哋隔離都會有啲壓力，咁所以努力直追減肥。」