63歲的黃凱芹，入行多年，留下不少膾炙人口的經典作品，但他於1994年因為跟唱片公司在創作方針上，背道而馳，所以他在事業如日方中之際，移民加拿大轉行做室內設計工作，非常有性格。不過人到中年後，昔年的脾氣可說是180度轉變，近日在佛山宣傳演唱會，更笑住打木人樁，被讚變得識做人，甚為襟撈。

黃凱芹近年不時返港開演唱會吸金，早前又頂替伍仲衡，為《中年好聲音3》擔任客席評判，外貌保養得宜，復出後有價有市，而且在內地亦甚吃得開，他趁住入行35周年，在內地舉行巡迴演唱會，最新一站是佛山站，由於佛山是武術之都，黃凱芹亦入鄉隨俗，一邊打木人樁，一邊叫大家入場支持，感覺十分突兀，為搵食冇晒昔日的傲氣，網民慨嘆人民幣確能使人改變。