衛詩雅醫生老公做尾龍骨手術 傷口現針窿感染留後遺症：成日都痛
撰文：吳子生
出版：更新：
衛詩雅（Michelle）醫美醫生老公周祉安（Kenley）早前以「是醫生也是病人」為題撰寫長文，敘述於兩年前接受手術後不幸出現後遺症，打亂本身正常生活，幸得衛詩雅在旁支持，獲不少網民留言送上祝福。
今日（12/6）衛詩雅現身中環出席品牌活動，就事件接受《香港01》訪問時表示：「其實佢係扭親尾龍骨，於是就要做一個止神經痛嘅一個小手術，醫生喺尾龍骨度打咗好多支針，當時係全身麻醉做手術。做完手術出到嚟我見到啲傷口我係心痛到喊，見到個傷口好多針窿，啲針窿係幼過支筷子少少，就唔知邊一支針拮得唔係咁好，變咗有感染，一路就唔好，傷口成日都會痛。」
被問到會否追究醫療失誤？衛詩雅表示：「我哋係研究緊，咁我哋係明白大家都唔想嘅，而周醫生佢本身都係醫生，變咗佢都唔想要做到呢一步，咁所以就由佢決定，咁所以我就唔方便透露太多，始終涉及法律上嘅問題，就唔方便評價。」