《中年好聲音3》劉洋和趙浚承出席電影《交換禮物》慈善放映，訪問中提起參加明星足球隊的趣事，劉洋就坦言自己表現不理想，因為一個「胖」字。

劉洋說：「我踢後衛。（為什麼表現不理想？）可能是因為我太胖，身上肉好多，負擔多。」記者問：「只是比較壯？」趙浚承回答：「是真的胖，比我第一次見他的時候，佢真係肥咗好多，佢話佢最近瘦咗5斤（2.5公斤）。」劉洋表示，現在晚上以不吃主食的方法減磅，希望可控制體重，再瘦多10公斤。

早前有報道指，趙浚承被譚詠麟指係劉德華替代品，他在訪問中就解釋：「校長同華哥合作過一首歌，叫《簡單是福》，所以喺校長演唱會我代表華哥去唱佢嗰part。因為華哥好忙㗎嘛，佢一定唔等閒做嘉賓啦，所以校長就搵我頂住先。（即係代唱？都好威喎）都係開心嘅。」

趙浚承又提到，曾參演過一套電影《紅毯先生》，戲中與劉德華競逐金像獎最佳男主角：「喺部戲入面，一閃而過，都幾開心嘅，但係我唔會取代到華哥。」