無綫（TVB）處境喜劇《愛·回家之開心速遞》一向是收視保證，演員入屋最佳途徑。《中年好聲音3》季軍劉洋近日強勢加盟，更飾演「TVB御用内地土豪」曹總堂弟，似到十足。

當日《愛·回家之開心速遞》由國語配音員劉一飛飾演的曹總，以半咸淡廣東話經常大放笑彈，成功入屋。不過，曹總在2021年12月因健康理由離開TVB，令網民相當懷念其口音。劉洋參選以來不少網民直指與曹總撞樣，連半咸淡廣東話都似到十足﹗《開心速遞》編劇接受民意，為劉洋度身訂造曹總堂弟一角。

早前劉洋已入劇組，TVB上載一段訪問，見到劉洋穿上恤衫不扣頭兩粒鈕、外配棗紅色西裝，梳上蛋撻頭並架上巨大金絲眼鏡的劉洋，簡直就和曹總完全餅印一樣喜感十足。被問到劉洋是否似曹總，「熊若水」呂慧儀立即表示「好似」：「你兩個真係好似，其實你唔使太緊張咬字準唔準，其實聽得明白嘅，同埋依家咁樣嘅感覺同造型，真係一模一樣，好有回憶，回憶直頭返晒嚟！」