75歲的羅浩楷（楷哥）近年身體病痛多，除椎間盤突出及頸椎問題外，昨日（9日）他接受《香港01》訪問，更驚爆多年前確診患上柏金遜症。雖然楷哥現在不良於行，但腦筋靈活且分析力強，他透露一直有玩股票買賣來賺取生活費。

不過，楷哥亦曾有「損手」時候，自爆在沙士期間輸掉一層樓，他說：「開頭我輸得好緊要，成層樓輸咗去，點解咁易輸錢，又咁易贏錢？！(幾時？)我記得沙士，冇工人幫我裝修，嗰時我仲擁有一層樓，後尾十幾年後埋單（股票戶口），層樓啲錢去咗邊呢，幾百萬呀大佬...去咗邊。」

不想再輸錢，楷哥於是下定決心認真鑽研股票市場，先派出太太做「臥底」去上堂，楷哥說：「派老婆做臥底呀，但佢唔識聽，返到嚟乜都學唔到，叫我買本書喎，幾百蚊呀，傻啦，我梗去圖書館借。返嚟一睇就攞命，戙高床板、戙起隻腳，日又睇夜又睇，一路自己學習。」楷哥一談股票便眉飛色舞，以「挖金」、「做生意」來形容，問到是否有大「斬獲」？他說：「叫有返少少技能，唔可以話斬獲，日日都咁做法，當一份收入。」他更曾開班授徒教人買賣股票，亦有給予朋友意見，余慕蓮都問他取「貼士」請教買賣股票心得。

【相關文章：獨家丨75歲羅浩楷驚揭患頑疾　餘生靠輪椅代步：我唔知幾想死】