人氣網絡團體「小薯茄」聚集24位網絡創作者拍攝的《第二屆薯茄明星運動會》，今（30日）舉行開幕暨閉幕典禮，而在接受媒體訪問時，麗英就表示最喜歡跳高項目：「我覺得好有挑戰性，尤其係我生得咁矮，所以我覺得係學到嘢。」而在旁的阿冰就表示：「我最鍾意拔河，好有團隊精神會好感動。」而另一隊友童童就揚言喜歡團隊運動，好像接力項目。

提到在音樂發展上有不俗成績，就好像最近推出的新歌《命中註定在一起》，問到未來想嘗試甚麼類型音樂時，麗英就表示：「我呢排有同其他音樂人參加寫作營，開始寫唔同曲風，因為我今年會出三首歌，最後一首歌同一位音樂人合作，佢嘅曲風我係完全冇試過，大家完全冇聽過我唱呢一類型嘅風格。」不過她想保留神秘感，不願透露是哪一位音樂人。

另外，提到在新歌《命中注定在一起》，請來P1X3L成員歐鎮灝（Geroge）擔任MV男主角，問到有沒有被對方電到的時候，她笑言：「我有少少怕羞，冇電親。（擁抱嘅時候會唔會好尷尬？）都冇嘅，因為我哋合作過，同埋佢細過我，我當佢係弟弟看待。」