梁敏巧（Maggie）今日（2/9）現身電視城出席無綫節目《女神配對計劃 最後告白》記者會。對於被爆同劉啟進結伴去睇G.E.M演唱會，完show之後仲搭住膊頭去跑馬地食宵夜，疑似發展戀情，引起網上熱議。

Maggie接受《香港01》訪問時表示：「其實節目都拍完，我哋私底下確實係有去過街，我哋係好低調，過程了解吓咁。其實佢鏡頭前後，佢分別唔大，個人都好真嘅，同埋個人再肉麻啲。佢份人都幾正直，同埋都幾穩重，佢係一個好暖男。（佢聽唔聽話？）呢啲時間我都可以蝦佢嘅。（你高過佢？）我高過佢少少，不過高度就唔係問題嚟嘅。」