素海霖（繪麗奈）在2023以AV女優身分於日本出道，成為香港史上進軍日本AV界的第一人而走紅，不少人都因其出位言論和大膽作風而成為粉絲。近年素海霖似乎因合約問題而令AV拍攝工作停滯不前，但她仍力推見面會和一些紀念品及周邊商品搵銀。

日前素海霖接受YouTube頻道《SpotiTalk》訪問，當中被主持人問及「飯局邀約」時，素海霖笑言：「死啦，到而家仲未有人邀請我。」之後，她坦承已有相關服務提供：「因為太多人問我，太多『X噏』嗰啲問我，所以我特登喺我網站set咗一項商品。咁我本身有密友活動，你預join夠6個月，即係$4,000左右就可以免費參與，有10個人。咁如果你想同我一對一食飯，咪當你買咗10個位囉。不過唔係你決定做啲咩，而係我決定晒。第一，我已經包埋食飯，第二，包合照，一個人包兩張合照，咪同你影廿張，已經set好晒。如果你再問我，我都係咁send個網畀你，你有錢咪畀囉。」