邢慧敏昨晚（29/9）現身將軍澳出席無綫新劇《巨塔之后》齊齊睇首播。邢慧敏接受《香港01》訪問時表示：「今次係演手術室護士，同時亦係宣萱嘅手術團隊嘅人，變咗同宣萱都會有好多對手戲。試過對白長少少嘅時候，對住佢緊張講唔到，搞到NG咗幾次，搞到幾唔好意思，最後都完成咗。」

提到狀態大勇，邢慧敏表示：「其實我係增磅咗成10Kg，之前選美嘅時候真係好大壓力，體重不斷下降，只有53Kg，但當選美完咗之後，我冇再去特別去減肥，同埋我自然咁去食，體重係上升咗。而家身邊嘅朋友見到我塊面有啲肉地，精神狀態都好咗好多。」

邢慧敏又指體重上升另一個主因，是早期在內拍攝劇集《巨搭之后》，日日飲「廢水」所致：「嗰陣時見有兩三日唔使開工，我哋唔會特登返香港，而係會搵好嘢食，變咗好食好住，搞到每日都會飲一杯珍珠奶茶。而劇組嘅同事就封我係『廢水天后』，返到香港係肥晒。」