陳百祥（阿叻）自組新足球隊名為「精裝明星足球隊」，成員包括馬國明、洪天明、謝天華、陳展鵬及吳卓羲等。此隊伍的成立是因阿叻認為他原本所在的「香港明星足球隊」成員年紀較大，且訓練頻率較低，難以滿足他想踢更具競爭性足球的需求，因此決定帶領一支較年輕的隊伍，培養藝人踢足球，同時讓觀眾看到更多新面孔。

日前阿叻受訪時大爆「精裝明星足球隊」帶挈前無綫藝人在內地狂吸金，狂接商演撈到風山水起。不時隨隊同阿叻返內地踢波的張兆輝和謝天華今日（10/10）現身九龍灣出席劇集宣傳活動，接受《香港01》訪問時，被問到是否隨隊到內地踢波工作量大增？謝天華表示：「我曾經答應過阿叻上去踢一場波嘅，後尾因為工作撞咗期，變咗我就冇同佢喺上面踢過波囉，嚟緊就唔知有冇機會囉。」

張兆輝表示：「我有同阿叻喺內地踢過波，踢波都係遊戲啫，而工作就係最緊要做好工作先，踢波就隨緣啦。（阿叻話踢波令好多藝人知名度大增工作量倍增！）哎喲，我哋唔好講踢波啦，我哋講部戲，踢波係茶餘飯後再講，天華踢波好叻，你問佢。」謝天華接著說：「我係隊中做啦啦隊。」