TVB藝人黃潤成早前在IG爆料，指前女友「東張女神」陳曉彤「亂搞男女關係」、「喺TVB起兵工廠」、與《東張》導演關係甚密，更有指她吸食大麻等；令陳曉彤形象插水，因身陷醜聞工作被暫停；面對種種指控，陳曉彤接受《香港01》訪問時激動澄清，但黃潤成再發IG追擊，怒轟「仲講乜道德？」。

潛水多時的陳曉彤日前受訪時表示：「其實全部都唔係事實嚟，我問心無愧，自己係冇做過，喺道德上冇做過唔好嘅嘢，同埋我唔上越描越黑，同埋我唔想影響身邊嘅朋友。（同黃潤成已經分咗手？）我哋冇再聯絡，同埋過去嘅嘢我都唔想提，唔想回應，但唔想再抄作越描越黑。（指你喜愛夜蒲？）其實同朋友去飲嘢正常社交，坦白講係正常。同埋我會潔身自愛，同埋好自律，所以我唔驚呢啲指控。」不過，黃潤成在對方澄清後，又在IG發文追擊，雖未指名道姓，但疑再怒轟前女友：「道德？！邊界感／同理心-1k嘅人，仲講乜*嘢道德！讀X數、腦裝草、垃圾三觀、無藥可救！」。