鄧穎芝昨日參加了匹克球明星賽，她說：「係我第一次參加匹克球比賽，之前打開網球，佢同網球好似，係一種新興運動，用嚟同朋友聯誼social幾好，網球好難book場，匹克球容易啲book場。」提到她已由歌手轉做健身教練，她說：「可以咁講，自己本身好鍾意做運動，都開心有呢個轉變，我仲會做kol出下event，拍下片，又有自己既網店。（收入同做歌手時比會唔會少咗好多？）收入差唔多，以前企上台唱歌唱完就有錢，依家就似一個project咁，去完一個event要拍片剪片做好多後期，可能要一個月之後先會收到錢。我係自己接job自己傾，三個身份嘅工作嘅收入加埋會比做歌手時多咗。」

鄧穎芝透露明年想去美國旅遊，順道看NBA球賽。問到感情事，鄧穎芝表示目前有拍拖，男友是圈外人，兩人在一個跑步的活動上認識，今年開始拍拖，但沒有想過要閃婚。男友從事有關拍攝的工作，平日她出席活動時，男朋友也會幫她拍片。