現年61歲「綠葉王」林雪入行近四十年，參演大量喜劇及警匪片，於《鎗火》、《PTU》等電影中演出重要角色深入民心。林雪早前出席《金童》首映禮，被指面色欠佳，面部黑斑變大，疑患上「黑棘皮症」，為體重過胖下引起糖尿病與心血管疾病的警號。林雪曾於《PTU》20周年4K重映禮上解畫：「我研究過之後，醫生話我聽因為瞓覺成日側左邊，同埋我諗嘢會托住（左邊臉），所以咁樣會有個印喺到。」日前林雪再拍片，再為黑斑解畫！

林雪日前上載一段片段，林雪坐在床上，他先多謝網民關心他的身體，他之後解釋，指臉上因做醫美，臉上皮膚傷口結焦，「我一路都做緊啲醫美，所以佢起焦，嗰次出席發佈會嘅時候，大家見到，可能佢起緊焦。多謝大家關心，我會整到靚仔同大家出嚟見面好冇？」林雪之後上載敷面膜的照片，他舉手比耶，似乎十分享受。