2025年聖誕節（25日）19歲「聲夢小花」鍾柔美疑似「手滑」在個人IG限時動態，誤發一段與男方親密互動的影片，片中可見她戴上聖誕頭飾自拍，而身後男子就疑似是Super Tiger成員劉展霆（Eden），他從背後環抱並錫向女方的面頰，畫面氣氛甜蜜，惟貼文其後火速被刪除，但已被網民備份瘋傳各大平台。

張馳豪今日（26/12）現身銅鑼灣出席活動，就事件接受《香港01》訪問時表示：「其實聽佢哋講係好似玩緊Truth or Dare，咁詳情我又唔知，因為我唔在場。大家都喺度揣測佢哋究竟係唔係一齊，而我就覺得係識咗好耐嘅一堆朋友一齊玩咁樣嘅啫。（玩遊戲玩到咁親密會否令外界有負面睇法？）都會嘅，事實係大家都會有唔同嘅睇法，所以希望佢哋下次玩遊戲時都要注意一下，始終大家都係公眾人物，都要注意一下。」