萬千星輝頒獎禮，今晚在澳門舉行，馬國明今晚亦有份角逐《最佳男主角》，他接受傳媒訪問時提到亡父一事，亦不禁流淚，心情仍未平復，他說：「屋企有好多嘢都未攪哂，仲有啲沉重，Daddy年紀都大啦，佢無乜痛苦，佢係瞓瞓下覺咁樣走，聽啲年紀大嘅朋友講，咁樣都係福份嚟，始終會覺得係咪可以同佢相處耐啲呢？Daddy有時都講，『你自己有頭家喇⋯⋯』佢都驚我辛苦，但我成日同佢講我都冇乜壓力，佢入咗醫院之後都有同佢傾偈，爸爸知我我鍚佢，但當然想同佢耐啲時間，佢冇催我生仔，但諗返轉頭如果有，可能佢會開心啲，希望佢一路喺上面望往我啦，所以一家人齊齊整整係好緊要，希望大家都身體健康，而家都會盡量抽時間倍媽媽，我要睇住老婆同頭家，但我OK嘅，佢一路喺我身邊陪住我，其實陪伴好緊要，陪伴係一個好好嘅力量同支持。」