陳自瑤（YoYo）今晚現身TVB《萬千星輝頒獎典禮2025》，穿上一襲開窿黑色晚裝，非常癢眼！陳自瑤接受《01 娛樂》訪問被讚又靚又性感，她笑著連聲說：「多謝多謝，還好啦，想尊重場合，每次揀裙唔想都係類似，今日呢條裙呢個款式未著過，不如挑戰吓。」她透露已第四次擔任豐胸代言人，所以間中亦要盡代言人責任，大騷身材。

今年陳自瑤憑《刑偵12》提名最佳女配角，她表示過去已曾得過該獎項，今年看好龔慈恩，她說：「我已經攞過，頒吓俾其他人，睇好龔姐，幾十年演技唔係流嘅，已爐火純青。我成日問佢點保養咁靚，皮膚好，仲好nice，真心嘅，真係好好。」

陳自瑤剛拍完新劇《玫瑰戰爭》，有空去旅行。早前她在社交網上表示一個人去旅行好開心，再惹離婚傳聞。陳自瑤表示沒有特別含意，她說：「明白明白...一個人好自由，好多時人大咗多責任，可能係人個女、人嘅媽咪、一個藝人，好多責任。但有時一個人，好幾年前試過一個人去旅行，我就愛上咗，有種好自由做返自己嘅感覺，冇特別含意，純粹講緊個旅行。」