TVB《萬千星輝賀台慶2025》今晚移師到澳門舉行，首三個獎項中有兩個已惹起網民爭議，除了「最佳男新人」起雙飛由馮皓揚和劉洋奪得外，「最佳女配角」由王敏奕得獎，亦令不少網民戥龔慈恩不值。

王敏奕聽到得獎一刻，秒變「哭臉」雙眼通紅，而大熱落敗的龔慈恩一直保持微笑，並大方起身擁抱作出恭喜，二人耳語一番，場面感人。大批網民踴到TVB的facebook官網質疑賽果，王敏奕憑《新聞女王2》的劉艷得「最佳女配角」，但網民似乎更喜歡龔慈恩在《新聞女王2》的方太演技，網民紛紛留言：「還我方太~、「點解唔係龔慈恩？」、「第二次個獎已經係造馬，還我方太」、「唔係劉艷做得唔好，但真係對唔住方太！」、「Why not 方太還我方太」、「方太好好多」等，不過亦有網民撐王敏奕：「實至名歸，一直都好鍾意佢」。

至於劉洋奪獎，網民亦意見，留言：「分豬肉」、「其實劉洋入圍已經有問題，仲攞埋獎，玩咩！」、「做了一集都话是新人」、「對其他男新人簡直係侮辱！」等。