林家謙今年首次參加渣打馬拉松挑戰半馬賽事，也是他首次參加馬拉松比賽。作為馬拉松新手，林家謙竟一來便跑半馬，對此他說：「我係咁㗎，成日都鍾意越級挑戰。（今日成績如何？）成績應該同平日差唔多，有教練一齊練，會set目標，練咗幾個月，今次嘅成績都滿意嘅。（新歌會唔會以運動作題材？）出年未知，但係今年可能未必會有新歌。」

跑馬拉松是做過離譜的事

至於為何會想跑馬拉松，林家謙說：「有啲朋友同品牌同我講，話我可能可以做喎，我覺得好吖，just do it，都係我做過一件離譜嘅事。其實跑步都當係練氣，我之前做演唱會時都有跑，但係跑幾km。我上斜比較快，落斜唔敢衝。（會唔會想挑戰全馬？）畀我抖下先。（會唔會跑上癮想再跑半馬？）想再keep住regular咁跑步，會唔會再參加半馬比賽就睇心情。」