阮浩棕日前參加《渣打馬拉松2026》，同樣有份參加賽事的何沛珈在社交網分享多張渣馬當日的花絮照，在大合照中有網民留言「啱啱睇到發哥後面原來有鄧兆尊。」隨即引發網上熱議，有網民笑言「而家先知，原來二人係失散多年嘅親兄弟」。

阮浩棕今日（23/1）現身電視城出席《丙午年吉星高照年初一》錄影時，就事件接受《香港01》訪問時表示：「首先好多謝網民，因為網民突然之間會有呢個感覺，但係對於我嚟講，最重要嘅就係大家開心，我覺得一來我覺得如果可以似到鄧兆尊先生，假如有佢咁嘅身家，我覺得真係會非常開心。」

被問到二人是否兩兄弟？阮浩棕笑言：「咁又唔會，血脈都系清晰嘅。（自己覺得似唔似呢？）以前拍劇，有另一位前輩就同我講，你成個新馬仔咁嘅樣，練返《萬惡淫為首》就勁。我真係冇諗過過咗 10年之後就會俾人覺得我似鄧兆尊先生，咁所以都幾得意。」