深水埔街坊事務福利促進會今日（18日）大年初二舉行「深水埔．深水情．深連心2026」新春慶典，邀請劉桂芳、寶珮如、黃韻才等登台演唱，向一眾深水埗街坊拜早年！

劉桂芳與TVB續「老人約」　將續演《愛．回家之開心速遞》

TVB資深女演員劉桂芳於活動演唱後接受傳媒訪問，表示今年已經與公司續約，將繼續以「老人約」方式維持賓主關係一年：「都同以前一樣咁多個騷，監製都有講過嚟緊有幾個劇拍！」亦會繼續參演處境喜劇《愛．回家之開心速遞》。

嘆由御用美人做到管家：繼續洗住廁所先

不過芳姐亦表示：「我由入行御用美人、靚太，做到古天樂、周星馳、周慧敏佢哋御用主角媽媽，到依家做御用管家，今年都係會做《愛回家》清潔工繼續洗住廁所先！」角色定位似乎未會變化，亦感嘆從前未聽監製勸告，為騷錢過份爭取過鏡：「以前有監製話過我，因為我第一個衝咗去過鏡，乜嘢垃圾都做，因為過一過鏡又一個騷！佢話咁做累咗妳呀！」