雲浩影（Cloud）近日再度被網民指與前港姐冠軍郭羨妮外貌相似，引發熱議，這位新世代「仙氣女神」憑甜美長相迅速走紅，意外勾起大家對郭羨妮巔峰時期的回憶。

雲浩影樣貌甜美被指似郭羨妮

雲浩影自《全民造星III》出道以來，常被封「新一代仙氣女神」，其清純五官與長髮造型備受矚目。早於2020年已有網民在討論區指出，她甜美外表有點似郭羨妮，尤其傻氣笑容與鄰家女孩氣質相近，吸引不少宅男粉絲。

今日（21/2）雲浩影現身灣仔會展出席婚紗展，對於被指似郭羨妮，雲浩影接受《香港01》訪問時表示：「其實細細個嘅時候都有人講過話我似佢，但而家越大就越唔似嘅，曾經因為似佢嘅緣故，係有搵過佢喺我嘅MV中做我媽咪嘅，但最尾係因為個期夾唔到，就冇發生到，希望遲啲會有機會可以合作。（仲有冇人講過你似邊個？）話我似吳鎮宇，因為之前有張劇照，佢係中間分界又長直髮，變咗有啲網民就將我同佢比較，我睇到都覺得幾搞笑。」