元宵節又是中國情人節，既然是情人節，為何這一班男士「拋妻棄子」都要一起聚會，張頴康今日（4日）在社交平台分享了一張與一班「麻甩佬」慶元宵的照片，並寫下：「今晚過咗一個好奇怪嘅元宵！」

7壯士元宵節「拋妻棄子」一齊去滾

這班「麻甩佬」中有：張頴康、馬國明、蕭正楠、曹永廉、洪永城、張達倫及徐榮。張頴康笑指大家「拋妻棄子」一起出來吃飯：「所有人都擺低晒啲老婆小朋友喺屋企，然後一班麻甩佬出嚟傾偈打邊爐，仲要一齊食湯圓！」原因是因為大家昨天都沒有工作，難得可以聚在一起，雖然已經有7壯士，但張頴康都指仍欠黎諾懿，可能因為他有工作而缺席這個男士派對。張頴康最後都叫大家的老婆原諒7壯士：「各位老婆們，小朋友們！唔好怪我哋，我哋都係身不由己！」認真搞笑。