港姐季軍袁文靜今日（10/3）現身將軍澳電視城，出席無綫舉辦的《丙午年新春團拜嘉年華》，心情看來輕鬆愉快。談到今年新年假期的安排，她接受《香港01》訪問時笑言今次特別溫馨：「今年第一次同媽咪喺香港過年，好開心！之後又去咗日本旅行放鬆吓。」

與男友過年各有行程

被問到男朋友有沒有同行時，袁文靜甜笑表示：「佢就同屋企人去咗海南島，我就自己飛日本啦～」問到這次假期有沒有放縱飲食，她大方坦言：「有呀，肥咗兩公斤！而家努力減緊肥中。」至於男朋友有沒有發現她變胖？她笑說：「佢都唔係好覺得我有肥。」

回應感情話題態度大方　分享家庭過年習俗

提到有關男友的問題，袁文靜亦幽默回應：「你可以問，但我可以選擇唔答㗎。」風趣態度盡顯她的聰明與親和。講到新春「收利是」的習俗，袁文靜透露：「我屋企嘅做法，如果自己有做嘢搵錢，就唔可以再收利是，而且搵到錢都要俾屋企嘅。」問到今年交了多少孝敬金，她笑言：「今年冇賺到好多錢，不過都有俾少少屋企人啦。」