陳志雲（Stephen）今日到會展出席開電視節目巡禮，透露將於今年暑假推出全新旅遊特輯《雲遊四海》。對於開電視換了新管理層，陳志雲表示與現時開電視行政總裁及董事都是以前認識的，故一拍即合。

否認「雪藏」藝人：違背做人原則

早前鄧兆尊在節目自爆因失言遭陳志雲「雪藏」？陳志雲表示對方沒有指名道姓說他，但他強調：「我記得我無雪過佢，更加無覆機呢樣嘢，我百分之百肯定，我亦無安排過雪藏過佢，呢樣嘢係違背我自己嘅原則同做事做法。藝人係電視台嘅資產，怎會因為一兩句說話就雪人，咁係同公司倒米。我印象中無同佢（鄧兆尊）傾過偈，有都係一次見到面嗰啲。」

他更主動提到，以前有位前輩級男藝人常說因為得罪了他而被踢出公司，但對方其實是得罪了公司的老闆，「好似係講咗唔吉利，定係恥笑說話，老闆級嘅人知道後唔開心，所以就有咁決定。佢最近都無提我啦。」他直言自己樣子看起來可能有點嚴肅，不認識的人會被嚇死，但熟悉他的人就會被他「笑死」。