無綫全新煮食節目《轟炸味蕾的廚房》由區永權與戴祖儀首次合作擔任主持，聯同四位香港名廚周世韜、李家鋌、鄭紫欣、譚詠儀一同帶領觀眾展開一場味蕾之旅。為豐富節目內容，製作組更特別邀請資深配音員黃鳳英，聲演屋邨街坊角色「三姑」為節目中特設的大江南北的美食片段增添趣味與生活感，令內容更生動有趣。

老婆自學成廚神

區永權今日（23/3）現身電視城出席無綫全新煮食節目《轟炸味蕾的廚房》記者會。區永權接受《香港01》訪問時表示：「我嘅廚藝系冇乜點增長，因為我睇完之後，我會返去同老婆講，然後就由老婆去煮。我老婆佢好叻，因為佢好多係無師自通，佢勁在係睇完之後佢會自己學識點煮啲嘢。」

太太「周身刀」　連老公髮型都一手包辦

區永權又指太太「周身刀」，連自己的髮型都是由她操刀：「10年前有一次，因為我嘅髮型師唔喺香港，咁啱又要做嘢，唔知點算好，於是就由佢幫我剪，效果非常之好，就係咁我返唔到轉頭，變咗而家就搵老婆幫我剪，每個月都可以好整齊嘅髮型，佢而家係我嘅御用髮型師。」