無綫大型真人騷《魔音女團》熱潮持續升溫！節目經過連日海選，終於公佈16位成功入圍的「練習生」名單，正式展開夢想之旅。當中話題新秀盧映彤，昨日（24/3）現身將軍澳電視城接受一連串專業訓練。

清新實力派突圍而出

盧映彤以清新外型及穩健歌喉在海選中脫穎而出，成功打入練習生行列。據悉，節目組為了鍛鍊學員的舞台實力，特別安排密集式唱跳課程及團體磨合挑戰，務求在短時間內提升整體表現。

享受特訓過程

她接受《香港01》訪問時表示：「其實一開始特訓係有啲攰，因為噚晚見完傳媒之後，我哋就繼續練舞，今朝又要一早起身返到嚟公司再練舞，只係瞓咗幾個鐘，雖然係攰，但攰得嚟就係媒享受，會覺得好開心。（排舞有否甩漏？都會有甩漏，不過就唔係話冇節奏感。甩漏嘅原因可以係緊張同埋自己比較冇自信心嘅人，所以就好容易對自己有啲質疑，會諗下一步係咪咁跳，所以就會有啲甩漏。」

至於講到強項，盧映彤堅定表示：「我覺得係舞台魅力，我係會表現到嗰種感覺，有陣一齊跳舞好講究可唔可以帶俾人一種表現感覺，我覺得我係做得到嘅。」