無綫全新大型真人騷《魔音女團》熱度持續上升！節目早前經過多輪海選，日前終於公佈16位成功晉級的練習生名單，正式踏上女團出道之路。當中最矚目的，莫過於2021年度港姐冠軍宋宛穎 ，這位外形甜美、氣質高雅的港姐成功入圍，即時成為全場焦點。

投入首日密集式特訓

宋宛穎昨日（24日）現身將軍澳電視城，投入首日密集式特訓。她接受《香港01》訪問時表示：「而家開始進行特訓，噚晚開始嘅好長時間嘅排練去到夜，凌晨一點先返到屋企，瞓咗四個鐘今朝又開07，真係好密集，令我諗起參選港姐嗰陣時。」

希望成功減去4Kg

提到導師要求各練習生減肥，宋宛穎表示：「我都有諗住減，再減多3至4公斤，因為我覺得女團係真係要好fit，因為你跳舞你唔想啲肉咁樣鬆吓鬆吓咁，雖然我而家就冇咁嘅情況出現，但我想成個體形再細粒啲。我現時52kg，我想減到50kg，所以而家我屋企成個雪櫃嘅冰箱都係雞胸，係隨時可以解凍嗰隻。」