草蜢於紅館舉行的「THREE IN LOVE草蜢演唱會2026」連日來不少圈中藝人入場支持，星光熠熠，日前張玉珊（Shirley）就同富豪未婚夫盧啟賢（Calvin Lo）一起睇騷，她在社交平台曬出合照，相中所見，兩人在演唱會背景板打卡合照，而呂良偉同太太楊小娟亦有同行。

張玉珊回應3億身家傳聞

現年51歲的張玉珊早年憑玉女形象大受歡迎，淡出幕前後創辦美容纖體公司，在商界大展拳腳，2003年公司正式上市，當時僅28歲的她亦成為最年輕的上市公司主席，其後張玉珊將公司轉讓出去，有指她的身家已經超過3億，被譽為「商界女強人」！張玉珊曾在接受方健儀YouTube節目《女人方言》訪問時回應3億身家傳聞，她笑稱從未提及過有多少「身家」，但直認「我自己都算識投資有積蓄，所以其實對我嚟講，我而家係可以過自己想要嘅生活」，又指自己在40歲前一直努力工作，現時另有想法：「我希望有三分一時間係做一啲可能投資，照顧到自己生活嘅嘢，或者三分一時間我希望做慈善，三分一時間希望做自己鍾意想做嘅嘢」。

張玉珊去年獲富豪男友求婚

一向低調處理感情事的張玉珊，2023年7月底突然公開認愛富豪盧啟賢（Calvin Lo），去年更大爆男友已求婚成功，兩人即將步入人生新階段！張玉珊曾大談與未婚夫盧啟賢的相處點滴，她表示與男方年齡相近、待人處事態度亦契合，令兩人能夠走到一起：「我哋好多時嘅相處態度，對人對事嘅三觀好近，我哋性格唔一樣，但係睇法呀、興趣呀，都幾近」。