張與辰早前接受車淑梅訪問中分享愛情觀，提到自己曾經帶女朋友回家。今日（5月14日）他參加《唱錢》節目錄影。他接受《香港01》訪問時，也透露了媽媽不會催婚，希望他專心在事業上拼搏。

望婚後與媽媽住近啲 難忘母親跌斷腳險況

他透露，早前忙於籌辦音樂學院事宜，之後就是準備創作自己的新歌。談到早前在車淑梅訪問中分享愛情觀。他坦言自己希望成家後與伴侶建立新家庭，但仍希望與媽媽住得相近：「以前有一次媽咪跌親，跌斷咗腳，所以嗰個時候好彩有人喺附近先嚟得切去救。」

孤單到屋企啲蚊都死？張與辰笑言未來一定想搵個伴

媽媽有沒有心急要張與辰成家立室？他回答：「佢係完全唔催，可能係好多孫，湊唔切，所以媽咪冇急。反而因為我喺事業上有少少起息，佢反而話提議專注將我事業做好，家庭好睇緣份，但係機會難得。」你會想搵個伴？他回答：「暫時未有呢個諗法，不過我相信多幾年我一定會有，因為我會希望有個伴，會唔會結婚呢個真係唔知。至少返到屋企有啲人氣，因為屋企啲蚊會死，哈哈哈。」