龍婷早前到澳洲登台，近來又到澳門開騷。昨日（5月14日）她為《唱錢》節目錄影，坦言心情輕鬆，抱住「當玩」的心態享受。她接受《香港01》訪問時，表示不擔心口音影響表現，直言節目用的系統只看音準。

早前在澳洲悉尼開騷打扮成瑪麗蓮夢露，得到不少迴響。她說：「我哋好早去到，3點已經捲緊頭髮，捲完之後去曬吓澳洲嘅陽光，其實個波點衫係有啲似小鳳姐，因為條裙係黑白色波點。（有冇艷遇？）澳洲呀？冇喎，我哋有訪問，fans見面會，我得半日出去玩。海灘全部都係着衫嘅，哈哈哈。（唔着泳衣？）如果講笑，我係對身材冇自信，如果講真，嗰日係有啲涼。」