無綫（TVB）選秀節目《中年好聲音4》今晚（5月17日）播出新一集。來自台灣的蔡宓婕以《光明》參賽。演唱後，主持人車婉婉問：「人生最想吶喊嘅係咩時候？」蔡宓婕說出一個不為人知的事：「我曾經有過一個BB⋯⋯」

淚揭引產痛史：感受胎動卻要親手告別

蔡宓婕說：「我⋯係⋯我覺得，我而家有個仔，但其實呢個仔之前，有過第一個BB，但喺我大肚6個月嘅時候，醫生同我講，呢個BB係唔健康，你唔可以要嘅。跟住我喺醫院嘅時候要將佢生出嚟。護士同我講，媽媽，我而家要打針，BB就會冇心跳㗎啦，但係佢一路同我講嘅時候，個BB一路喺度郁緊，因為6個月嘅時候已經有胎動。所以我覺得呢個，人生就係咁樣囉。可以喊可以崩潰，但係你唔可以失去希望。要一直喺咁⋯⋯」

車婉婉失控落淚　蔡宓婕悟出人生真理

有幕後人員遞上紙巾，她說：「我自己有準備。」車婉婉：「但係我冇呀嘛⋯⋯」令充滿哀傷的場面添上了一點笑聲。車婉婉：「我諗住你唱啲咁positive嘅歌，我就唔袋紙巾上嚟。」蔡宓婕說：「因為人生唔一定positive，有低谷，然後先有起，呢個就係人生。」