藝人翟威廉今日（1日）出席「Miss SAKE」記者會並擔任司儀，大曬流利日語，而本身有經營清酒生意的翟威廉亦希望能帶動清酒活動及文化，日後更有意發展清酒酒吧等生意。

翟威廉與陳庭欣感情勁好

接受《香港01》訪問時，提到舊愛陳庭欣早前特別預早為翟威廉慶祝生日，兩人同場毫無尷尬互動親密，引發外界猜測這對昔日的「地下情」戀人是否舊情復燃。對此，翟威廉指兩人感情非常好，並否認「翻撻」：「我哋唔使發展啦，識咗咁多年。其實好多人唔知，我同陳廷欣一年會食兩次飯，佢生日同我生日，有時好多朋友會約埋一齊食，就算兩個人食我哋都唔介意，因為我哋真係好friend。」

得知陳庭欣回復單身，翟威廉都祝對方有個新開始。問到可會介紹男士給對方，翟威廉搞笑指Bob會搞掂。至於提到其感情狀況，翟威廉直言暫時繼續做浪子，主力做生意及享受人生。